Дэлхийн эмч нарын өдөрт зориулсан баярын хурал 2025 оны 03 сарын 29 нд Ойрад театрт боллоо.
Баярын хуралд АЗДТГ-ын НБХ-ийн дарга О.Ганцоож, ЭМГ-ын ХШҮМХ-ийн дарга Ж.Чимгээ, АНЭ-ийн эмнэлзүй хариуцсан орлогч дарга Б.Нямхүү, МУ-ын хүний гавьяат эмч Г.Оюун, ХХЭМХ-ны тэргүүн С.Пүрэвсүрэн, ЭМД-ын хэлтсийн дарга Б.Бумбаяр, ахмад эмч Т.Тунгалаг нар баяр хүргэж, мэндчилгээ дэвшүүллээ.
Анх 1933 оны 3-р сарын 30-ны өдөр АНУ-д мэс заслын эмч нар мэргэжил нэгт эмчдээ хүндэтгэл үзүүлснээр анх энэ өдрийг тэмдэглэсэн түүхтэй байжээ. 2000 оноос Монгол улс тэмдэглэж ирсэн.
Эмч нарын өдрийг угтан Шилдэг эмч шалгаруулж, ахмад эмч нарынхаа хөдөлмөрийн алдрыг нь тэмдэглэн алдаршуулж, хэлэлцүүлэг, онол практикийн хурал, уралдаан тэмцээн, концерт телевизийн нэвтрүүлгийг зохион байгуулдаг байжээ.
Цаашдаа Дэлхийн эмч нарын өдрийг тохиолдуулан
1. Эмч нарын нийгмийн асуудлыг шийдвэрлэх, тэдний гэр бүлийн эрүүл мэндийг дэмжих, урьдчилан сэргийлэх, эрт илрүүлэг үзлэгт хамруулах
2. Эмч нарын ажлын онцлог, ололт амжилтыг олон нийтэд сурталчлан таниулах, соён гэгээрүүлэх
3. Эмчээ сонсьё, эмч таньдаа баярлалаа, эмч таниараа бахархая-арга хэмжээг зохион байгуулах
4. ЭМС-т олон жил үр бүтээлтэй ажилласан ахмад настнуудад хүндэтгэл үзүүлэх, тэднийг урьдчилан сэргийлэх үзлэгт хамруулах
5. Ажил үүргээ гүйцэтгэх явцдаа амь насаа алдсан эмч, эмнэлгийн мэргэжилтэд хүндэтгэл үзүүлэх
6. Эрүүл мэндийг дэмжсэн, эрүүл амьдралын хэв маягт уриалсан олон төрлийн уралдаан тэмцээн зохион байгуулахаар болжээ.
